کندز؛ چهاردرې ولسوالۍ کې د ۲۰ لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په چهاردرې ولسوالۍ جمعيت لېسه کې د ۲۰ لوبډلو ترمنځ د واليبال سيالۍ د جمعيت لېسې لوبډلې په اتلولۍ پای ته ورسېدې.
د يادو سياليو په پايلوبه کې جمعيت لېسې لوبډلې خپلې سيالې فرمان لوبډلې ته د ۲-۱ ميدان په توپیر ماتې ورکړه او اتلولي يې وگټله.
دا سيالۍ د نويو استعدادونو موندلو او د يادې ولسوالۍ غوره لوبډلې ټاکلو په موخه وشوې، چې دوې ورځې يې دوام وکړ.
