خوست کې د شپږو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولايت د بدني روزنې او ورزش آمريت په همغږۍ د ياد ولايت په مرکز چولانو سيمه کې د شپږو لوبډلو ترمنځ د ټېپ بال کرېکټ ليگ دويم پړاو سيالۍ چې يوه مياشت مخکې پيل شوې وې د چولانو زلميانو لوبډلې په اتلولۍ پای ته ورسېدې.
د يادو سياليو پايلوبه د چولانو زلميانو او چولانو اتلانو لوبډلو ترمنځ وشوه، د لوبې پچه چولانو زلميانو لوبډلې وگټله او لومړی یې د توپ وهنې پرېکړه یې وکړه، چې په ټاکلو اتو اورونو کې يې خپلې سيالې لوبډلې ته د ۸۱ منډو هدف وټاکه، په ځواب کې چولانو اتلانو لوبډلې د ټولو اورونو په لوبولو سره د ۷۷ منډې وکړې او لوبه يې د ۳ منډو په توپير وبايلله.
