دایکندي کې د اتو لوبډلو ترمنځ د فوټبال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په مرکز نیلي کې د سولې او دوستۍ جام په نوم د اتو لوبډلو ترمنځ د فوټبال سیالۍ د اتحاد مزاري لوبډلې په اتلولۍ پای ته ورسېدې، چې یوه اوونۍ یې دوام وکړ.
د دغو سیالیو په پایلوبه کې اتحاد مزاري لوبډلې خپلې سیالې یاران قمري بني هاشیم لوبډلې ته د ۱۰/۴ ګولونو په توپير ماتې ورکړه او اتلولي یې خپله کړه.
د یادو سیالیو موخه د فوټبال لوبو ته وده ورکول او د لوبغاړو ترمنځ یووالی رامنځته کول و.
