بغلان؛ مرکز پلخمري کې د ۵۰ ورزشکارانو ترمنځ د ځغاستې ټاکنيزې سيالۍ وشوې
د بغلان ولايت د بدني روزنې او ورزش امريت اړوند د اتلتيک ملي فدراسيون د استازولۍ له لوري د ياد ولايت په مرکز پلخمري ښار کې د ۵۰ ورزشکارانو ترمنځ د ځغاستې ټاکنيزې سيالۍ وشوې.
د دغو سياليو په پایله کې د ۱۰ تنه د ياد ولايت د ځغاستې منتخبې لوبډلې ته وټاکل شول.
د يادو سياليو موخه د ځغاستې ورزش ته وده ورکول او د غوره ورزشکارانو موندل و، چې يوه ورځ يې دوام وکړ.
