کندز کې د شمال ختيځ زون په کچه د فوټبال اتلولۍ سیالۍ پيل شوې
د کندز ولايت د بدني روزنې او ورزش ریاست په همکارۍ، د فوټبال ملي فدراسیون له لوري د ياد ولايت په مرکز سپين زر ورزشي لوبغالي کې د ۵ ولايتونو ترمنځ د هېواد شمال ختيځ زون په کچه د فوټبال اتلولۍ سیالۍ پيل شوې.
په يادو سياليو کې د بدخشان، باميان، تخار، بغلان او کوربه کندز لوبډلو گډون کړی، چې په پيليزه لوبه يې د هدايت بغلان او بند امیر باميان لوبډلو ترمنځ ۱-۱ مساوي پای ته ورسېده.
د ويلو وړ ده، چې دغه سيالۍ به يوه اوونۍ دوام وکړي.
