بامیان؛ یکاولنګ ولسوالۍ کې د فوټسال ژمني جام سیالۍ د بند امیر لوبډلې په اتلولۍ پای ته ورسېدې
د بامیان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په یکاولنګ ولسوالۍ کې د ۱۷ لوبډلو ترمنځ د فوټسال سیالۍ د بند امیر لوبډلې په اتلولۍ پای ته ورسېدې.
د دغو سیالیو په پایلوبه کې بند امیر لوبډلې خپلې سیالې سچک لوبډلې ته د ۶/۴ ګولونو په توپيرماتې ورکړه او اتلولي یې خپله کړه.
د یادو سیالیو موخه د فوټسال لوبو ته وده ورکول او د ځوانانو ترمنځ همغږي رامنځته کول و، چې دوې اوونۍ یې دوام وکړ.
