لغمان کې ۲۰۰ ورزشکارانو او استادانو ته د فکري روزنې اصلاحي سمينار پيل شو
د المپيک، بدني روزنې او ورزش عمومي رياست اړوند د دعوت او ارشاد رياست له لوري د لغمان ولايت په مرکزي جمنازيوم کې د بېلابېلو فدراسيونونو ۲۰۰ ورزشکارانو او استادانو ته د فکري روزنې اصلاحي دوه ورځينی سمينار پیل شو.
ياد سمينار د دعوت او ارشاد رئيس مولوي داد محمد بريال عطايي له لوري وړاندې کېږي، چې پکې به ورزشکارانو ته په اسلام کې د ورزش د اهمیت، د ورزشکارانو په فکري روزنې او د ورزش د شرعي اصولو اړوند بشپړ معلومات ورکړل شي.
د يادونې وړ ده، چې تيره ورځ ننگرهار ولايت کې ۴۶۵ ورزشکارانو او استادانو ته ورته دوه ورځينی اصلاحي سمينار ورکړل شوی و.
