هلمند؛ ګرمسېر ولسوالۍ کې د اوو لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت له لوري د یاد ولایت په ګرمسېر ولسوالۍ کې د اوو لوبډلو ترمنځ د فوتبال سیالۍ د صفار لېسې لوبډلې په اتلولي پای ته ورسېدې.
د یادو سیالیو پایلوبه کې صفار لېسې لوبډلې د ۲ پر صفر ګولونو په توپیر خپلې سیالې یارانو لوبډلې ته ماتې ورکړه او اتلولي یې خپل کړه.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې درې ورځې یې دوام وکړ.
