تخار؛ بنګي ولسوالۍ کې د ۷۰ چاپندازانو ترمنځ د وزلوبې سيالۍ پای ته ورسېدې
د تخار ولايت د بدني روزنې او ورزش امريت اړوند د وزلوبې، نېزه وهلو او دوديزو لوبو ملي فدراسيون د استازولۍ له لوري د ياد ولايت په بنګي ولسوالۍ کې د ۷۰ چاپندازانو ترمنځ د وزلوبې سيالۍ پای ته ورسېدې.
د دغو سياليو په پایله کې شبير، ګل محمد، ذبيح درقدي، شاولي ذبيح بيک زاده او سميع الله پهلوانان تر نورو ښه وځلېدل او د ډاليو ګټونکي شول.
د يادو سياليو موخه د وزلوبې ورزش ته وده ورکول او خلکو ته سالمه تفرېح برابرول و، چې دوې ورځې يې دوام وکړ.
