غور؛ مرکز فيروزکوه ښار کې د ۱۰ لوبډلو ترمنځ د فوټسال سيالۍ پای ته ورسېدې
د غور ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز فيروز کوه ښار کې د دولتي ادارو د ۱۰ لوبډلو ترمنځ د فوټسال سيالۍ پای ته ورسېدې.
د دغو سياليو په پايلوبه کې امنيه قوماندانۍ لوبډلې خپلې سیالې صحت عامې لوبډلې ته د ۵/۴ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال لوبو ته وده ورکول او د کارمندانو ترمنځ اړيکه رامنځته کول و، چې دوې اوونۍ يې دوام وکړ.
