زابل؛ شاجوی ولسوالۍ کې د څلور لوبډلو ترمنځ د فوټبال سیالۍ پای ته ورسېدې
د زابل ولایت د بدني روزنې او ورزش آمریت له لوري د یاد ولایت په شاجوی ولسوالۍ کې د څلورو لوبډلو ترمنځ د فوټبال سیالۍ د شوبار استقلال الف لوبډلې په اتلولي پای ته ورسېدې.
د یادو سیالیو پایلوبه کې شوبار استقلال الف لوبډلې د ۲ پر یو ګولونو په توپیر خپلې سیالې شاهین ب لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه اوونۍ یې دوام وکړ.
