جوزجان؛ خواجه دوکوه ولسوالۍ کې د ۶۰ ورزشکارانو ترمنځ د سیمه ییزې غېږنیونې سیالۍ ترسره شوې
د جوزجان ولایت د بدني روزنې او ورزش امریت اړوند د ملي او سیمه لوبو مدیریت له لوري د یاد ولایت په خواجه دوکوه ولسوالۍ کې د ۶۰ ورزشکارانو ترمنځ د سیمه ییزې غېږنیونې سیالۍ وشوې.
د دغو سیالیو په پایله کې ۳۰ ورزشکارانو خپلو سیالانو ته په ماتې ورکولو سره بریاوې خپلې کړې او د ډالیو ګټونکي شول.
د یادو سیالیو موخه دودیزو لوبو ته وده ورکول و، چې یوه ورځ یې دوام وکړ.
