د موی تای درې کسیزه لوبډله د اسلامي هېوادونو د پیوستون سیالیو کې د ګډون په موخه سعودي عربستان ته روانه شوه
د موی تای درې کسیزه لوبډله چې دوه ورزشکاران او یو روزونکی پکې شامل دي، د اسلامي هېوادونو د پیوستون ۶م پړاو سیالیو کې د ګدون په موخه سعودي عربستان ته روانه شوه.
دغو ورزشکارانو ته د خدای پامانۍ په مراسمو کې د المپیکې چارو رییس داد محمد پاینده اختري له خوا په سیالیو کې د ښه ځلېدو او په پیاوړې روحیه د لوبېدو سپارښتنه وشوه.
د اسلامي هېوادونو د پیوستون درېیم پړاو سیالۍ د سعودي عربستان په کوربتوب په پلازمېنه ریاض ښار کې په ۲۳ ورزشي رشتو کې د روانې میلادي میاشتې په ۷مه رسما پیلېږي او تر ۲۱مې نېټې به دوام وکړي، چې د افغانستان په استازولۍ نږدې ۸۳ ورزشکاران او ورسره پلاوي پکې ګډون کوي.
