میدان وردګ؛ بهسودو ولسوالۍ کې ۲۴ چاپندازانو ترمنځ د وزلوبې سيالۍ وشوې
د میدان وردګ ولایت د بدني روزنې او ورزش آمریت اړوند د وزلوبې فدراسیون د استازولي له لوري د یاد ولایت بهسودو ولسوالۍ کې د ۲۴ چاپ اندازانو ترمنځ د وزلوبې سیالۍ ترسره شوې.
د دغو سیالیو په پای کې علي جمعه پهلوان اعلان شوی آخرلاق تر ټاکلې دایرې ورساوه او د سیالۍ ګټونکی شو.
دا سیالۍ د وزلوبې راتلونکو خزاني سیالیو ته د چمتو والي په موخه ترسره شوې، چې یوه ورځ یې دوام وکړ.
