بامیان؛ ورس ولسوالۍ کې د سنګ سول سیالۍ وشوې
د بامیان ولایت د بدني روزنې او ورزش امریت اړوند د ورس ولسوالۍ ورزشي استازولۍ له لوري په یادې ولسوالۍ کې د ۱۲ لوبډلو ترمنځ د سنګ سول سیالۍ وشوې.
د دغو سیالیو په پایله کې توانا لوبډلې لومړی، بندکوسه لوبډلې دویم او شېران کوه بابا لوبډلې بیا درېیم مقام خپل کړ.
د یادو سیالیو موخه سیمه ییزو لوبو ته وده ورکول و، د سیالیو په پای کې غوره لوبډلې او ورزشکارانو ته چمتو شوې ډالۍ ورکړل شوې.
