کابل کې د تکواندو په پومسه سبک کې دویمه او درېیمه درجه د لوبڅارۍ سیمینار پای ته ورسېده
د المپيک، بدني روزنې او ورزش عمومي ریاست اړوند د تکواندو ملي فدراسیون له لوري په کابل کې ۱۵ لوبڅارانو ته د تکواندو په پومسه سبک کې دویمه او درېیمه درجه د لوبڅارۍ سیمینار پای ته ورسېده.
دغه سیمینار د استاد حلیم یوسفزي له لوري په پومسه استاندر او پومسه ازاد برخو کې په نظري او عملي ډول ترسره شو.
د یاد سیمینار موخه د لوبڅارانو فني ظرفیت لوړول و، چې دوې ورځې یې دوام وکړ.
په پای کې د تکواندو فدراسیون له لوري ګډون کوونکو لوبڅارانو ته د لوبڅارۍ سندونه ورکړل شول.
