خوست؛ اسماعیل خېلو مندوزیو ولسوالۍ کې د شپږو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په اسماعیل خېلو مندوزیو ولسوالۍ کې د شپږو لوبډلو ترمنځ د ټېپ بال کرېکټ سیالۍ د کابل خېل لالا لوبډلې په اتلولي پای ته ورسېدې.
د یادو سیالیو پایلوبه د کابل خېل لالا او کابل خېل اتلانو لوبډلو ترمنځ ترسره شوه. د لوبې پچه کابل خېل لالا لوبډلې وګټله او لومړی یې توپ وهنه وکړه، چې په ټاکلو نهو اورونو کې یې د پنځو ویکټو په زیان خپلې سیالې لوبډلې ته د ١٥٨ منډو هدف وټاکه. کابل خېل اتلانو لوبډلې د هدف په تعقیب کې د شپږو ویکټو په زیان ١٤٦ منډې وکړې او د ١١ منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
