بغلان کې د درېیو ولسوالیو لوبډلو ترمنځ د والیبال سیالۍ د پلحصار ولسوالۍ لوبډلې په اتلولۍ پای ته ورسېدې
د بغلان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري په یاد ولایت کې د پلحصار، د بنو لوبډلې او د ده صلاح ولسوالیو لوبډلو ترمنځ د والیبال سیالۍ ترسره شوې، چې یوه ورځی یې دوام وکړ.
د دغو سیالیو په پایلوبه کې پلحصار ولسوالۍ لوبډلې خپلې سیالې بنو لوبډلې ته د ۳/۱ میدانونو په توپير ماتې ورکړه او اتلولي یې خپله کړه.
د یادو سیالیو موخه په ولسوالیو کې د والیبال لوبو ته وده ورکول و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
