کندز؛ امام صاحب ولسوالۍ کې د ۶۶ کورشکارانو ترمنځ د کورش سیالۍ ترسره شوې
د کندز ولایت د بدني روزنې او ورزش ریاست اړوند د امام صاحب ولسوالۍ ورزشي مدیریت او د کورش ملي فدراسیون د استازولۍ له لوري د یادې ولسوالۍ په خورشید ورزشي لوبغالي کې د ۶۶ کورشکارانو ترمنځ د کورش سیالۍ ترسره شوې.
د دغو سیالیو په پایله کې ۳۳ کورشکارانو خپلو سیالانو ته په ماتې ورکولو بریاوې خپلې کړې او د ډالیو ګټونکي شول.
د یادو سیالیو موخه دودیزو لوبو ته وده ورکول او خلکو ته یوه سالمه تفرېح برابرول و، چې یوه ورځ یې دوام وکړ.
