نورستان کې د شپږو لوبډلو ترمنځ د واليبال سيالۍ د برګمټال ای لوبډلې په اتلولۍ پای ته ورسېدې
د نورستان ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په برګمټال ولسوالۍ کې د شپږو لوبډلو ترمنځ د واليبال سيالۍ د برګمټال ای لوبډلې په اتلولۍ پای ته ورسېدې.
د دغو سياليو په پايلوبه کې برګمټال ای لوبډلې خپلې سیالې بدموک لوبډلې ته د ۲/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د لوبغاړو ترمنځ دوستانه فضا رامنځته کول او ورزشي فرهنګ ساتل و، د سياليو په پای کې غوره لوبغاړو ته چمتو شوې ډالۍ ورکړل شوې.
