زابل؛ مرکز قلات ښار کې د څلورو لوبډلو ترمنځ د فوټبال سیالۍ پای ته ورسېدې
د زابل ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په مرکز قلات ښار کې د څلورو لوبډلو ترمنځ د فوټبال سیالۍ د هریرود ب لوبډلې په اتلولي پای ته ورسېدې.
د یادو سیالیو په پایلوبه کې هریرود ب لوبډلې د ۴ پر یو ګول په توپیر خپلې سیالې اتل افغان لوبډلې ته ماتې ورکړه او اتلولي یې وګټله.
دا سیالۍ ورزش ته د ځوانانو د هڅولو په موخه ترسره شوې، چې اووه ورځې یې دوام وکړ.
