کونړ؛ نرنګ ولسوالۍ کې د ٤٠ لوبډلو ترمنځ د ټېپ بال کرېکټ سیالۍ پیل شوې
د کونړ ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په نرنګ ولسوالۍ کې د ٤٠ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د یارګل او نواباد لوبډلو ترمنځ ترسره شوه. د لوبې پچه یارګل لوبډلې وګټله او لومړی یې توپ وهنه وکړه، چې په ټاکلو لسو اورونو کې یې د اتو ویکټو په زیان خپلې سیالې لوبډلې ته د ٨٣ منډو هدف وټاکه. نواباد لوبډلې ټاکلی هدف د څلورو ویکټو په زیان د لوبې په شپږم اور کې ترلاسه کړ او د شپږو ویکټو په توپیر یې د سیالیو لومړۍ لوبه وګټله.
دا سیالۍ د ځوانانو ترمنځ د یووالي په موخه پیل شوي دي، چې یوه میاشت به دوام وکړي.
