پکتيکا؛ زيړوک ولسوالۍ کې د ۱۸ لوبډلو ترمنځ د واليبال سيالۍ پای ته ورسېدې
د پکتيکا ولايت د بدني روزنې او ورزش آمريت اړوند د واليبال فدراسيون د استازولۍ له لوري د ياد ولايت په زيړوک ولسوالۍ کې د ۱۸ لوبډلو ترمنځ د واليبال سيالۍ، چې لس ورځې مخکې پيل شوې وې د خوست تڼيو الف لوبډلې په اتلولۍ پای ته ورسېدې.
د دغو سياليو په پايلوبه کې خوست تڼيو الف لوبډلې خپلې سيالې بهادر لوبډلې ته د ۰/۲ ميدانونو په توپير ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او له نشه يي توکو څخه يې ليری والی وو، چې په پای کې اتلې لوبډلې ته چمتو شوې ډالۍ ورکړل شوې
