بغلان کې د ۴۸ ورزشکارانو ترمنځ د رزمي لوبو یونيفایټ سبک سیالۍ ترسره شوې
د بغلان ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په پلخمري ښار کې د ۴۸ ورزشکارانو ترمنځ د رزمي لوبو یونيفایټ سبک سیالۍ ترسره شوې.
په دغو سیالیو کې د کابل، بغلان، تخار، کندز او پروان ولایتونو ورزشکارانو ګډون کړی وو؛ چې په پایله کې د بغلان ولایت ورزشکارانو لومړی، کابل ولایت ورزشکارانو دویم او د کندز ولایت ورزشکارانو بیا درېیم مقام ترلاسه کړ.
د یادو سیالیو موخه رزمي لوبو ته وده ورکول او د ورزشکارانو ترمنځ یووالی رامنځته کول و، چې یوه ورځ یې دوام وکړ.
د سیالیو په پای کې د ورزش مسؤلینو له لوري غوره ورزشکارانو ته مډالونه، ستاینلیکونه او د اتلولۍ حکمونه ورکړل شول.
