دایکندي؛ مرکز نیلي کې د پسرلني جام په نوم د والیبال سیالۍ د اتحاد مرکز لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت له لوري او د اتصالات شرکت د نماینده ګۍ مسؤل جاوید تنها په مالي ملاتړ د یاد ولایت په مرکز نیلي کې د پسرلني جام په نوم د والیبال سیالۍ د اتحاد مرکز لوبډلې په اتلولۍ پای ته ورسېدې.
د دغو سیالیو په پایلوبه کې اتحاد مرکز لوبډلې خپلې سیالې شهرستان لوبډلې ته د ۳/۰ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
