کابل کې د لسو ولايتونو ترمنځ د سرو زرو کمربند اتلولۍ لومړي پړاو تر نامه لاندې د موتای سيالۍ پيل شوی

د المپيک، بدني روزنې او ورزش عمومي رياست اړوند د موتای ملي فدراسيون له لوري او د تخنيکي او مسلکي زده کړو ادارې په همکارۍ د هېواد د ۱۰ ولايتونو څخه د ۲۰۰ ورزشکارانو ترمنځ ( د افغانستان د غوره څيرو دسرو زرو کمر بند لومړي پړاو د موتای اتلولۍ سيالۍ ) تر نامه لاندې د موتای سیالۍ، د کابل ولايت د ښکلوو هنرونو او صنايعو انسټیټیوټ کې پيل شوې.

په دې سياليو کې به د کابل په ګډون د لس ولايتونو څخه ۲۰۰ ورزشکاران په څلورو عمري کټګوريو ( کوچنيانو، نوې ځوانانو، ځوانانو او لويانو )، په بېلابیلو وزنونونو کې د کمربند د ګټلو لپاره د يو بل پر وړاندې سیالي ترسره کړي، چې غوره لوبغاړې به يې ملي او نړيوالو سياليو کې ولوبیږي.

د يادونې وړ ده، چې يادې سيالۍ د افغانستان په کچه د موتای غوره لوبغاړو موندلو په موخه پيل شوې، چې درې ورځې به دوام وکړي.