جوزجان کې د ۶۵ ورزشکارانو ترمنځ د سنوکر څلورم پړاو ټاکنيزې پيل شوې
د جوزجان ولایت د بدني روزنې او ورزش امريت اړوند د سنوکر ملي فدراسيون د استازولۍ له لوري په ياد ولايت کې له يوولسو کلبونو د ۶۵ ورزشکارانو ترمنځ د سنوکر څلورم پړاو ټاکنيزې پيل شوې، چې يوه اونۍ به دوام وکړي.
د دغو سياليو په پايله کې به ۲۵ تنه ورزشکاران د جوزجان ولایت د سنوکر منتخبې لوبډلې ته وټاکل شي.
د يادو سياليو موخه د جوزجان ولایت د سنوکر منتخبې لوبډلې ته د غوره لوبغاړو موندل دي.
