بغلان؛ نهرین ولسوالۍ کې د ۶۶ پهلوانانو ترمنځ د سیمه ییزې پهلوانۍ سیالۍ ترسره شوې
د بغلان ولایت د بدني روزنې او ورزش امریت اړوند د ملي او دودیزو لوبو مدیریت د استازولۍ له لوري د یاد ولایت په نهرین ولسوالۍ کې د ۶۶ پهلوانانو ترمنځ د سیمه ییزې پهلوانۍ سیالۍ ترسره شوې.
د دغو سیالیو په پایله کې ۳۳ پهلوانانو خپلو سیالانو ته په ماتې ورکولو سره بریاوې او لومړي مقامونه ترلاسه کړل.
د یادو سیالیو موخه دودیزو لوبو ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
