کندز؛ په کلباد ولسوالۍ کې د ١٢ لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال ملي فدراسيون د استازولۍ له لوري د ياد ولايت د کلباد ولسوالۍ په افتابلق سيمه کې د ۱۲ لوبډلو ترمنځ واليبال سيالۍ د بشارت لوبډلې په اتلولۍ پای ته ورسېدې.
د دغو سياليو په پايلوبه کې بشارت لوبډلې خپلې سیالې ګرګري ب لوبډلې ته د ۱۵/۱۲ نومرو په توپير ماتې ورکړه او اتلولي يې وګټله.
د يادو سياليو موخه د اختر د خوښیو نمانځل او ورزش ته د ځوانانو هڅول وو، چې يوه ورځ يې دوام وکړ.
