بلخ ؛ شورتپه ولسوالۍ کې د ۱۰۰ ورزشکارانو ترمنځ د سیمه ییزې غېږنیونې سیالۍ ترسره شوې
د بلخ ولایت د بدني روزنې او ورزش امریت په همکارۍ او د شورتپې ولسوالۍ ورزشي مدیریت له لوري د یاد ولایت د شورتپې ولسوالۍ په دالي کلي کې د ۱۰۰ ورزشکارانو ترمنځ د سیمه ییزې غېږنیونې سیالۍ ترسره شوې.
د دغو سیالیو په پایله کې ۵۰ ورزشکارانو خپلو سیالانو ته ماتې ورکړه او بریاوې یې خپلې کړې.
د یادو سیالیو موخه ملي، سیمه ییزو او د پهلوانۍ ورزش ته وده ورکول و، چې یوه شپه یې دوام وکړ.
