ارزګان؛ په چوره ولسوالۍ کې د ۱۰۰ ورزشکارانو ترمنځ د سيمه ييزې غېږ نيونې سيالۍ ترسره شوې
د ارزګان ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت په چوره ولسوالۍ کې د ګیزاب او چورې ولسوالۍ د ۱۰۰ ورزشکارانو ترمنځ سیمه ییزې غېږ نیونې سیالۍ ترسره شوې.
دغه سيالۍ د چوره او کیزاب ولسواليو د ورزشکارانو ترمنځ ترسره شوې، چې په پايله کې د چورې ولسوالۍ ورزشکارانو بريا خپله کړه.
د يادو سياليو موخه ملي او دوديزو لوبو ته وده ورکول و، چې يوه ورځ يې دوام وکړ.
