زابل؛ ارغنداب ولسوالۍ کې د اتو لوبډلو ترمنځ د والیبال سیالۍ پیل شوې
د زابل ولایت د بدني روزنې او ورزش آمریت اړوند د والیبال فدراسیون د استازولۍ له لوري د ياد ولايت په ارغنداب ولسوالۍ کې د اتو لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د خوارزنګي او تناره غره لوبډلو ترمنځ ترسره شوه، چې په پایله کې یې تناره غره لوبډلې د ٣/٢ میدانونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د کوچني اختر په مناسبت پیل شوې دي، چې یوه اوونۍ به دوام وکړي.
