پروان کې د ۱۴ لوبډلو ترمنځ د والیبال سیالۍ د څوارلسمې حوزې لوبډلې په اتلولۍ پای ته ورسېدې
د پروان ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت د ورزشي امریت په جمنازیوم کې د ۱۴ لوبډلو ترمنځ د رمضان جام په نوم د والیبال سیالۍ، چې پنځلسې ورځې مخکې پيل شوې وې د څوارلسمې حوزې لوبډلې په اتلولۍ پای ته ورسېدې.
د دغو سیالیو په پایلوبه کې څلوارلسمې حوزې لوبډلې خپلې سیالې نعمان جاهد لوبډلې ته د ۳/۱ میدانونو په توپیر ماتې ورکړه او اتلولي یې خپله کړه.
د یادو سیالیو موخه د روژې مبارکې میاشتې نمانځل او د ورزشکارانو ترمنځ یووالی رامنځته کول و؛ د سیالیو په پای کې غوره لوبډلې ته کپ، مډالونه او ستاینلیکونه ورکړل شول.
