د افغانستان ساحلي فوټبال ملي لوبډله خپله لومړۍ سیالي له متحده عربي اماراتو سره کوي
د افغانستان ساحلي فوټبال ملي لوبډله به د ۲۰۲۵ اسیا جام سیالیو کې، چې د ټایلنډ هېواد پر کوربهتوب ترسره کېږي، خپله لومړۍ سیالي سبا ( جمعه، د مارچ ۲۱مه) د کابل پر مهال مازیګر ۴:۰۰ بجې له متحده عربي اماراتو سره وکړي.
افغان ملي لوبډله به په C ګروپ کې د ایران، متحده عربي اماراتو او اندونیزیا هېوادونو له لوبډلو سره سیالي وکړي.
د یادونې وړ ده چې د ۲۰۲۵ اسیا جام د ۱۶ لوبډلو په ګډون نن( پنجشنبه، د مارچ ۲۰مه) پیل شوې او د همدې میاشتې تر ۲۹مې نېټې به دوام ولري.
