د کابل ښار ۵۰ ورزشکارانو ترمنځ د بایسکل ځغلونې سیالې ترسره شوې
د المپیک، بدني روزنې او ورزش عمومي ریاست اړوند د بایسکل ځغلونې فدراسیون له لوري د کابل ښار ۵۰ ورزشکارانو ترمنځ د رمضان جام په نوم د نویو ځوانانو، ځوانانو او د لویانو ورزشکارانو په عمري کټګوریو کې د بایسکل ځغلونې سیالې ترسره شوې.
دغه سیالۍ د فري سټایل، کوهستان او جاده سبک او ۲۵ کیلو متري واټن کې د هېواد ورزش ادارې څخه تر حبیبیه لېسې پورې ترسره شوې، چې یوه ورځ یې دوام وکړ.
د دغو سیالیو د پيل په مراسمو کې د المپيکي چارو رییس داد محمد پاینده اختري، د بایسکل ځغلونې ملي فدراسیون رهبري پلاوي او یادو ورزشکارانو ګډون کړی وو.
د بایسکل ځغلونې په دغو سیالیو کې د ځوانانو له کټګورۍ او جاده سبک کې سعید الله سعادت لومړی او له ځوانانو له کټګورۍ او په کوهستان سبک کې نقیب الله لومړی مقام ترلاسه کړ.
د یادو سیالیو موخه د بایسکل ځغلونې ورزش ته وده ورکول او د روژې مبارکې میاشتې نمانځل و.
