پروان؛ مرکز چاریکار ښار کې د ۲۰ لوبډلو ترمنځ د فوټسال سیالۍ پای ته ورسېدې
د پروان ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت مرکز چاریکار ښار کې د ۲۰ لوبډلو ترمنځ د فوټسال سیالۍ د معرفت لوبډلې په اتلولي پای ته ورسېدې.
دغه سیالۍ په امتیازي ډول ترسره شوې، چې په پایله کې یې معرفت لوبډلې د زیاتو نمرو په ترلاسه کولو لومړی او (نمبر یک) جمنازیوم دویم مقام خپل کړ.
دا سیالۍ د روژې مبارکې میاشتې د ښه راغلاست په موخه ترسره شوې، چې ۱۵ ورځې یې دوام وکړ او په پای کې اتلې لوبډلې او غوره ورزشکارانو ته بېلابېلې ډالۍ ورکول شوې.
