لغمان؛ قرغیو ولسوالۍ کې د ٣٢ لوبډلو ترمنځ د ټېپ بال کرېکټ سیالۍ پای ته ورسېدې
د لغمان ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت قرغیو ولسوالۍ کې د ٣٢ لوبډلو ترمنځ د ټېپ بال کرېکټ سیالۍ د کریم اباد اتلانو لوبډلې په اتلولي پای ته ورسېدې.
د یادو سیالیو پایلوبه د کریم اباد اتلانو او عبدالرحیکزي ځوانانو لوبډلو ترمنځ ترسره شوه. د لوبې پچه کریم اباد اتلانو لوبډلې وګټله او لومړی یې توپوهنه وکړه، چې په ټاکلو لسو اورونو کې یې خپلې سیالې لوبډلې ته د ١٣۵ منډو هدف وټاکه. عبدالرحیمزي ځوانانو لوبډلې د هدف په تعقیب کې د شپږو ویکټو په زیان ١٣٠ منډې وکړې او د څلورو منډو په توپیر یې لوبه وبایلله.
دا سیالۍ د د سیمې د ځوانانو لپاره د سالمې تفرېح برابرولو په موخه ترسره شوې، چې ٤٥ ورځې یې دوام وکړ.
