د اسپانیا فوټبال غوره لیګ سیالیو پر دوام؛ بارسلونا ۲ - ۰ لاس پالماس ته ماتې ورکړه
د اسپانیا فوټبال غوره لیګ ۲۵مې اونۍ سیالیو پر دوام بارسلونا ۲ - ۰ لاس پالماس لوبډلې ته ماتې ورکړه.
په دغه سیالۍ کې دنی اولمو او فران تورس د بارسلونا په ګټه ګولونه ووهل.
بارسلونا د اسپانیا فوټبال غوره لیګ کې تر دې دمه له خپلو ۲۵ لوبو ۱۷ ګټلي، پینځه بایللي او درې مساوي کړي دي او د ۵۴ امتیازونو په اخیستلو سر د جدول په سره کې ځای لري.
د اسپانیا فوټبال غوره لیګ ۹۴یم پړاو سیالۍ د ۲۰۲۴میلادي کال د اګسټ میاشتې پر ۱۵مه پیل او د روان کال مې میاشتې پر ۲۵مه به پای ته ورسېږي.