کندهار کې د اتو لوبډلو ترمنځ د فوټسال سیالۍ پیل شوې
د کندهار ولایت د بدني روزنې او ورزش ریاست اړوند د فوټبال فدراسیون د استازولۍ له لوري د ياد ولايت مرکز کې د اتو لوبډلو ترمنځ د فوټسال سیالۍ پیل شوې.
د ياد سیالیو لومړۍ لوبه د NFC او ملګري لوبډلو ترمنځ ترسره شوه، چې په پایله کې يې ملګري لوبډلې د ۴/۳ ګولونو په توپیر خپلې سیالې لوبډلې ته ماتې ورکړه او د سیالیو لومړۍ لوبه یې وګټله.
دا سیالۍ ورزش ته د ځوانانو د هڅولو په موخه پیل شوي دي، چې پنځه ورځې به دوام وکړي.
