لوګر؛ په محمد آغې ولسوالۍ کې د شپږو لوبډلو ترمنځ د رسۍ کشونې سيالۍ وشوې
د لوګر ولایت د بدني روزنې او ورزش امريت اړوند د دوديزو لوبو مديريت له لوري په محمد اغې ولسوالۍ کې د شپږو لوبډلو ترمنځ د رسۍ کشونې سيالۍ وشوې.
دغه سيالۍ، چې يوه ورځ يې دوام وکړ، په پايله کې اتفاق لوبډلې لومړی او اتلان محمد اغې لوبډلې دويم مقام ترلاسه کړ.
هېره دې نه وي، په پای کې غوره ورزشکارانو ته چمتو شوې ډالۍ او ستاينليکونه ورکړل شول.
