ننګرهار، په مرکز جلال اباد ښار کې د ۲۴ لوبډلو ترمنځ د واليبال سيالۍ پای ته ورسېدې
د ننګرهار ولایت د المپیک، بدني روزنې او ورزش ریاست اړوند د والیبال فدراسیون له لوري د جلال اباد ښار په اتمه ناحیه کې د ۲۴ لوبډلو ترمنځ د والیبال سیالۍ د دره نور لوبډلې په اتلولۍ پای ته ورسېدې.
دغه سيالۍ چې لس ورځې يې دوام وکړ، په پايلوبه کې د دره نور ولسوالۍ لوبډلې خپلې سيالې اتحاد لوبډلې ته د ۳-۱ ميدانونو په توپير ماتې ورکړه او اتلولي يې خپله کړه.
هېره دې نه وي چې د دغو سياليو موخه د ځوانانو ترمنځ د يووالي فضا رامنځته کول ياد شوي دي.
