فاریاب؛ خان چارباغ ولسوالۍ کې د پنځو لوبډلو ترمنځ د واليبال سيالۍ وشوې
د فارياب ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په خان چارباغ ولسوالۍ کې د (يووالي) جام په نوم د پنځو لوبډلو ترمنځ د واليبال سيالۍ وشوې.
د دغو سياليو په پايله کې ارزو لوبډلې د ۳۹ امتيازونو په ترلاسه کولو لومړی او ميهن لوبډلې د ۲۶ امتيازونو په ترلاسه سره دويم مقام ترلاسه کړ.
د يادو سياليو موخه د واليبال ورزش ته وده و، چې يوه ورځ يې دوام وکړ.
د سياليو په پای کې غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
