خوست ؛ په نادرشاه کوټ ولسوالۍ کې د ۱۰ لوبډلو ترمنځ د ټېپ بال کرکټ سیالۍ پای ته ورسېدې
د خوست ولايت د بدني روزنې او ورزش امریت له لوري د ياد ولايت د نادرشاه کوټ ولسوالۍ د ځينيخېلو په څرمښکۍ سيمه کې له ۱۳ کلونو څخه د کم عمره لوبغاړو د ۱۰ لوبډلو ترمنځ د ټېپ بال کرکټ سیالۍ چې ۱۵ ورځې مخکې پيل شوې وې د دېوان لوبډلې په اتلولۍ پای ته ورسېدې.
د دغو سياليو پایلوبه د هجران او دېوان لوبډلو ترمنځ ترسره شوه، چې هجران لوبډلې د پچې په ګټلو سره د توپ وهنې پرېکړه وکړه او په ټاکلو ۸ اورونو کې یې د ټولو لوبغاړو په سوځېدو سره مقابلې لوبډلې ته د۸۴ منډو هدف وټاکه. په ځواب کې د دېوان لوبډلې ټاکل شوې هدف په ۵ اورونو کې پوره کړ او لوبه یې د ۱۰ ويکټو په توپير وګټله.
د يادو سياليو موخه ورزش ته دکم عمره لوبغاړو تشويق کول و، چې ۱۵ ورځي يې دوام وکړ.
