کندز؛ په امام صاحب ولسوالۍ کې د ۷۰ چاپندازانو ترمنځ د وزلوبې سيالۍ وشوې
د کندز ولايت د بدني روزنې او ورزش رياست اړوند د وزلوبې، نيزه وهنې او سيمه ييزو لوبو ملي فدراسیون د استازولۍ له لوري د ياد ولايت په امام صاحب ولسوالۍ کې د ۷۰ چاپندازانو ترمنځ د وزلوبې سيالۍ وشوې.
دغه سيالۍ چې يوه ورځ يې دوام وکړ، په پايله کې د ميدان د حکم له لوري درې اخراولاقه اعلان شول، چې لومړی اخراولاق عبدالله پهلوان، دويم اخراولاق غلام نبي پهلوان او درېيم اخراولاق بيا گولو پهلوان د حلالې تر دايرې ورسول او د سياليو گټونکي شول.
