بغلان کې د ۵۰ چاپندازانو ترمنځ د وزلوبې سیالۍ پای ته ورسېدې
د بغلان ولایت د بدني روزنې او ورزش امریت اړوند د وزلوبې، نېزه وهنې ملي فدراسیون د استازولۍ له لوري په ياد ولایت کې له تخار، کندز، سمنګان او بغلان ولایتونو د ۵۰ چاپندازانو ترمنځ د وزلوبې سیالۍ پای ته ورسېدې.
د دغو سیالیو په پایله کې داد الله پهلوان د حاجي نعیم په اس، صدرالحق پهلوان د حاجي حقیار په اس او رحمت الله پهلوان د برکه سیمي د خلکو پر اس تر حلالې دایرې ورسول او د اتلولۍ مقامونه یې ترلاسه کړل.
د یادو سیالیو موخه سیمه ییزو او دودیزو لوبو ته وده ورکول و، چې دوې ورځې یې دوام وکړ.
د سیالیو په پای کې غوره چاپندازانو ته نغدي پیسې او چمتو شوې ډالۍ ورکړل شوې.
