ننګرهار؛ شینوارو ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولایت په شینوارو ولسوالۍ کې د ٢٤ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ګلاهي لېسې او افغان اسلامي لېسې لوبډلو ترمنځ ترسره شوه. د لوبې پچه ګلاهي لېسې لوبډلې وګټله او لومړی یې توپوهنه وکړه، چې په ټاکلو لسو اورونو کې یې د شپږو ویکټو په زيان سره خپلې سیالې لوبډلې ته د ١٨٦ منډو هدف وټاکه. افغان اسلامي لېسې لوبډلې د هدف په تعقیب کې د اوو ویکټو په زیان ٩٥ منډې وکړې د ٩٠ منډو په توپیر یې د سیالیو لومړۍ لوبه وبایلله.
دا سیالۍ د چاپېريال ساتنې په موخه پیل شوي دي، چې ١٥ ورځې به دوام وکړي.
