زابل؛ شاجوی ولسوالۍ کې د ۳۶ ورزش کارانو ترمنځ د کېک جستو سیالۍ ترسره شوې
د زابل ولایت د بدني روزنې او ورزش آمریت اړوند د کېک جستو فدراسیون د استازولي له لوري د یاد ولایت په شاجوی ولسوالۍ کې د ۳۶ ورزشکارانو ترمنځ د کېک جستو سیالۍ ترسره شوې.
دغه سیالۍ د نویو ځوانانو، ځوانانو او مشرانو ورزشکارانو په عمري کټګوريو کې د استاد نقیب الله، استاد عبدالقیوم او استاد احمد کلبونو ورزشکارانو ګډون کړی و، چې په پایله کې یې د استاد نقیب الله کلب ورزشکارانو د زیاتو نمرو په ترلاسه کولو سره لومړی مقام خپل کړ.
دا سیالۍ د کېک جستو لوبو ته د ودې ورکولو په موخه ترسره شوې، چې یوه ورځ یې دوام وکړ.
