خوست؛ يعقوبيو صبريو ولسوالۍ کې د ٢٢ لوبډلو ترمنځ د والیبال سیالۍ پیل شوې
د خوست ولایت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت په يعقوبيو صبريو ولسوالۍ کې د ٢٢ لوبډلو ترمنځ د والیبال سیالۍ پیل شوې.
د یادو سیالیو لومړۍ لوبه د مندوزیو او تڼیو منتخبو لوبډلو ترمنځ ترسره شوه، چې په پایله کې یې مندوزیو منتخبې لوبډلې د ٢/٠ میدانونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم ثبت کړه.
دا سیالۍ ورزش ته د ځوانانو د هڅولو په موخه پیل شوي دي، چې یوه میاشت به دوام وکړي
