اسټرالیا هند ته په ماتې ورکولو سره د نړيوالو ټېسټ سياليو پایلوبې ته ووته
د اسټرالیا کرېکټ ملي لوبډلې له هند څخه د پينځه ټېسټ سياليو د لوبلړۍ په ګټلو سره د ۲۰۲۵ ټېسټ سياليو پایلوبې ته ووتله.
د ۲۰۲۵ WTC سياليو کې سويلي افريقا پاکستان ته په ماتې ورکولو سره لا له وړاندې لار موندلې ده او اسټرالیا دويمه لوبډله شوه، چې پايلوبې ته وځي.
ټاکل شوې، چې د یادو سیالیو پايلوبه به د روان ميلادي کال د جون مياشتې پر ۱۱مه نېټه د انګلستان په لارډز لوبغالي پيل او د همدې مياشتې تر ۱۵مې به دوام وکړي.