ميدان وردگ؛ په ميدان ښار کې د ۲۰ ورزشکارانو ترمنځ د رسۍ کشونې سيالۍ ترسره شوې
د ميدان وردگ ولايت د بدني روزنې او ورزش امريت اړوند د ملي او دوديزو لوبو مدیریت له لوري د ياد ولايت په ميدان ښار کې د ۲۰ ورزشکارانو ترمنځ د رسۍ کشونې سیالۍ ترسره شوې.
دغه سیالۍ ملي او دودیزو لوبو ته د ودې ورکولو په موخه چمتو شوې وې، په پايله کې یې بختیار لومړی، حاتم دويم او تواب بيا درېيم مقام ترلاسه کړ.
د يادولو وړ ده، چې د دغو سياليو په پای کې د ياد ولايت د ورزش امريت له لوري غوره ورزشکارانو ته مډالونه، ستاينليکونه او چمتو شوې ډالۍ ورکړل شوې.
